"Səhər gördüm ki, 10-u ölüb, qalanı yaralıdı"

Göyçay rayonunda xırda buynuzlu heyvanlar canavarların hücumuna məruz qalıb.

ARB TV xəbər verir ki, hadisə rayonun Qızılağac kəndində qeydə alınıb.

Canavarlar Qızılağac kəndinə soxularaq Qorxmaz İsmayılova məxsus tövlədə olan 30 baş qoyundan 10-nunu tələf edib, 16-ın isə yaralayıb.

Yaralanan heyvanlara baytar həkimlər tərəfindən tibbi yardım göstərilib. Məhv olan heyvanlar dezinfeksiya edilərək torpağa basdırılıb.

Kənd sakinlərinin sözlərinə görə, qış aylarında canavar və çaqqallar tez-tez kəndlərə soxularaq fərdi təsərrüfatlara zərər vururlar.

Qorxmaz İsmayılov - Təsərrüfat sahibi: "Səhər-səhər 6-da gəlib gördük ki, canavarlar 10 baş heyvanı qırıb. Qalan heyvanlarında hamısını yaralayıb".

[media=https://www.youtube.com/watch?v=_GMDjYNDllA]