Xətai rayon İcra Hakimiyyəti başçısının müavini Zaməddin Əkbərov işdən azad olunub. Qaynarinfo.Az xəbər verir ki, bu barədə Z.Əkbərov istipress-ə bildirib.

Onun sözlərinə görə, işdən öz ərizəsi ilə çıxıb. İşdən çıxma səbəbi haqqında isə məlumat verməyib. Z.Əkbərov onu kimin əvəz edəcəyini bilmədiyini söyləyib.

Qeyd edək ki, Zaməddin Əkbərov 2016-cı ildə Xətai rayon İcra Hakimiyyəti başçısının müavini vəzifəsində çalışmağa başlayıb. O, bu vəzifədən əvvəl Ərazi idarəetmə və yerli özünü idarəetmə orqanları ilə iş şöbəsinin müdiri işləyib.