"Anglo Asian Mining"in Azərbaycan banklarına 11 milyon dollarlıq kredit borcu var
25-07-2017, 16:21
2017-ci ilin iyunun 30-na "Anglo Asian Mining" şirkətinin kreditlər üzrə borcu 30,4 mln. dollar təşkil edir.
"APA-Economics" xəbər verir ki, bu barədə şirkətin saytında yer alan hesabatda qeyd edilib.
Şirkətin Amsterdam Ticarət Bankına 6,2 mln. dollar, "Qazprombank"a 6,2 mln. dollar, "PAŞA Bank"a 6,2 mln. dollar, "Azərbaycan Beynəlxalq Bankı"na 3,9 mln. dollar, "Yapı Kredi Bankası A.Ş."-yə 2,6 mln. dollar, "Kapital Bank"a 0,5 mln. dollar, "Atlas Copco"ya 0,5 mln. dollarlıq kredit borcu var.
"Anglo Asian Mining" direktordan 3,8 mln. dollar məbləğində kredit cəlb edib.
Qeyd edək ki, şirkət Azərbaycanda 6 qızıl yatağında hasilat aparır.
