"Bütün şəraiti nəzərə alsaq, bizim üçün ağır səfər idi. Həm də bəzi zədəli futbolçularımızın olmasına görə, oyun planımızda dəyişikliklər oldu".

“Report” xəbər verir ki, bunu Çempionlar Liqasının II təsnifat mərhələsinin ilk matçında səfərdə İrlandiyanın "Dundalk" klubuyla 1:1 hesablı heç-heçə etdiyi matçdan sonra "Qarabağ" baş məşqçisi Qurban Qurbanov oyunsonrası mətbuat konfransında deyib.

O, rəqibin həddindən çox istəkli olduğunu bildirib:

"Bizim üçün heç də asan olmadı. Amma futbolçuların hər birindən razı qaldım. Cavab matçında maksimum diqqətli olmalıyıq. İnanıram ki, qarşıdakı 1 həftəlik müddətdə komandanı oyuna istədiyimiz kimi tam hazır edəcəyik".