İtaliya A seriyasında VII tur başa çatıb.

APA-nın məlumatına görə, bir matçı təxirə salınan turun son günündə 6 oyun keçirilib.

Mərkəzi qarşılaşmada “İnter” “Yuventus”u qəbul edib. Fasiləyədək hərəyə bir qol vuran komandaların duelinin taleyi ikinci hissədə həll olunub. Qələbə qazanan Turin klubu liderliyi ələ alıb.

İddialılardan “Napoli” “Torino” ilə heç-heçə edib. Paytaxt klubları da xal itiriblər. “Roma” “Kalyari” ilə, “Latsio” “Bolonya” ilə bərabərə qalıb. “Atalanta” isə “Leççe” üzərində qələbə əldə edib.

Qeyd edək ki, növbəti turun oyunları oktyabrın 19-21-də keçiriləcək.

İtaliya A seriyası
VII tur
6 oktyabr
“Fiorentina” – “Udineze” – 1:0
Milenkoviç, 72
“Roma” – “Kalyari” – 1:1
Kapitelli, 31 (avtoqol) – Pedro, 26 (pen.)
“Atalanta” – “Leççe” – 3:1
Zapata, 35, Qomes, 40, Qosens, 56 – Luçioni, 86
“Bolonya” – “Latsio” – 2:2
Kreyçl, 25, Palasio, 31 – İmmobile, 23, 39
“Torino” – “Napoli” – 0:0
“İnter” – “Yuventus” – 1:2
Martines, 18 (pen.) – Dibala, 4, İquayn, 80