AVRO-2020-nin seçmə mərhələsi davam edir.

APA-nın məlumatına görə, VIII turun ikinci oyun günündə yeddi qarşılaşma keçiriləcək.

Qonşu Türkiyə yığması bu gün AVRO-2020-nin final mərhələsinə vəsiqəni təmin edə bilər. Bunun üçün “ay-ulduzlular” Fransa səfərində qalib gəlməli, İslandiya Andorra ilə matçda xal itirməlidir. Əgər Andorra qələbə qazanaraq sensasiyaya imza atsa, türkiyəlilər heç-heçə ilə də istəyinə çatır. Fransa isə qələbə qazansa, vəsiqəni təmin edəcək.

A qrupunda Bolqarıstanla görüşəcək İngiltərənin də vəsiqəyə yiyələnməsi həm öz qələbəsi, həm də Kosovonun uduzmasından asılıdır.

B qrupunda liderlər Ukrayna və Portuqaliya görüşəcək. Meydan sahibləri uduzmasa, final mərhələsinə vəsiqə qazanacaq. Portuqaliyanın buna nail olması isə Serbiyanın büdrəməsindən asılıdır.

Qeyd edək ki, seçmə mərhələnin VIII turu oktyabrın 13-də başlayıb.

AVRO-2020-nin seçmə mərhələsi
VIII tur
14 oktyabr

A qrupu
22:45. Kosovo – Monteneqro
22:45. Bolqarıstan - İngiltərə

H qrupu
22:45. Moldova – Albaniya
22:45. İslandiya – Andorra
22:45. Fransa – Türkiyə