AVRO-2020-nin seçmə mərhələsində VIII tura yekun vurulub.

APA-nın məlumatına görə, 4 qrupda 9 qarşılaşma keçirilib.

D qrupunda İsveçrə İrlandiyaya qalib gəlib. Nəticədə sonuncular final mərhələsinə vəsiqəni təmin etmək şansını qaçırıblar. İlk qollarına sevinən Cəbəllütariq Gürcüstanla matçda heç-heçəni sonda əldən verib.

İspaniya isə AVRO-2020-yə vəsiqə qazanan 6-cı komanda olub. Pireneylilər İsveçdə qazandığı xalla buna nail olub. Onlar Belçika, İtaliya, Polşa, Rusiya və Ukraynaya qoşulublar. Norveç son dəqiqə qolu ilə Rumıniyanı 2-ci yerə yüksəlməkdən məhrum edib. İlk xallarını əldə edən Farer adaları Maltanı üstələyib.

G qrupunun yeganə matçında İsrail Latviyadan güclü olub. J qrupunun lideri İtaliya ardıcıl 8-ci qələbəsini qazanıb. Finlandiya isə Ermənistanı darmadağın edərək final mərhələsinə bir addım da yaxınlaşıb. Bosniya və Herseqovinanın Yunanıstanla görüşdəki məğlubiyyəti də şimallıların xeyrinə olub.

Qeyd edək ki, IX tur noyabrın 14-16-da keçiriləcək. Seçmə mərhələyə isə noyabrın 17-19-dakı qarşılaşmalarla yekun vurulacaq.

AVRO-2020-nin seçmə mərhələsi
VIII tur
15 oktyabr

D qrupu
22:45. İsveçrə - İrlandiya – 2:0
Seferoviç, 16, Daffi, 90 (avtoqol)
22:45. Cəbəllütariq – Gürcüstan – 2:3
Kaskiaro, 62, Çipolina, 74 - Xaraişvili, 10, Kankava, 21, Kvilikaya, 84

Növbəti oyunlar noyabrın 15-də keçiriləcək: İsveçrə - Gürcüstan, Danimarka – Cəbəllütariq.

F qrupu
22:45. İsveç – İspaniya – 1:1
Berq, 51 – Rodriqo, 90
22:45. Rumıniya – Norveç – 1:1
Mitrita, 62 – Sorlot, 90
22:45. Farer adaları – Malta – 1:0
Baldvinsson, 71

Növbəti oyunlar noyabrın 15-də keçiriləcək: Norveç – Farer adaları, İspaniya – Malta, Rumıniya – İsveç.

G qrupu
22:45. İsrail – Latviya – 3:1
Dabbur, 16, 42, Zahavi, 26 – Karnes, 40

Növbəti oyunlar noyabrın 16-da keçiriləcək: Sloveniya – Latviya, İsrail – Polşa, Avstriya – Şimali Makedoniya.

J qrupu
20:00. Finlandiya – Ermənistan – 3:0
Yensen, 31, Pukki, 61, 88
22:45. Lixtenşteyn – İtaliya – 0:5
Bernardeski, 2, Belotti, 70, 90, Romanyoli, 77, El Şaravi, 82
22:45. Yunanıstan – Bosniya və Herseqovina – 2:1
Pavlidis, 30, Kovaçeviç, 88 (avtoqol) – Qoyak, 35

Növbəti oyunlar noyabrın 15-də keçiriləcək: Finlandiya – Lixtenşteyn, Ermənistan – Yunanıstan, Bosniya və Herseqovina – İtaliya.