Vatikanda Milli Olimpiya Komitəsi (MOK) yaradılacaq.

Bunu ölkənin idman naziri Malçor Sançes de Toka açıqlayıb.

O bildirib ki, cırtdan ölkə təmsilçisi bu niyyətini yaxın müddətdə gerçəkləşdirmək fikrindədir. Vatikanlılar 2024-cü ildə Fransanın paytaxtı Parisdə keçiriləcək Yay Olimpiya Oyunlarında iştirak etməyi planlaşdırırlar.

Qaydalara əsasən, MOK-un yaradılması üçün ölkənin ən azı 5 idman federasiyası beynəlxalq assosiasiyalar tərəfindən tanınmalıdır. Bu yöndə hərəkətə keçən vatikanlılar atletikadan başlayıblar. Ardınca futbol, taekvondo və kriket üzrə federasiyalar yaradılacaq və beynəlxalq təşkilatlara üzv olacaq. 5-ci idman növünün hansı olacağı ilə bağlı hələ müzakirələr yekunlaşmayıb. (apa)

WhatsAppFacebookFacebook MessengerTwitterShare