Bir vaxtlar Türkiyənin ən istedadlı və perspektivli futbolçularından sayılan Batuhan Karadeniz yeni komandaya transfer olub.

Publika.az xəbər verir ki, “Beşiktaş”ın məktəbində yetişmiş və “Trabzonspor” da daxil olmaqla 10 komandada çıxış etmiş hücumçu Türkiyənin 3-cü liqa klublarından olan “Tuzlaspor”a keçib. Artıq tərəflə müqavilə imzalayıblar və çempionatın ikinci dövrəsində futbolçu yeni komandasının heyətində forma geyinəcək.

Qeyd edək ki, istedadlı futbolçu Türkiyə yığmasının da formasını 2 dəfə geyinib. Lakin xarakteri səbəbindən o, karyera baxımından uğurlarını davam etdirə bilməyib.