Türkiyə Super Liqasında XXV tur başa çatıb.

Apasport.az saytının məlumatına görə, bu gün turun son oyunu keçirilib.

Günün yeganə matçı Ankarada baş tutub. “Gənclərbirliyi” turnir cədvəlindəki qonşusu “Antalyaspor”u qəbul edib.

Oyundakı hər iki qol fasilədən sonra vurulub. Covanni Sio meydan sahiblərini önə çıxarsa da, Lukas Podolski Antalya təmsilçisini məğlubiyyətdən xilas edib.

Qeyd edək ki, növbəti turun oyunları martın 13-16-da, təxirə salınmış “Yeni Malatyaspor” – “Trabzonspor” matçı isə ayın 11-də, “Göztəpə” – “Rizəspor” qarşılaşması isə 17-də keçiriləcək.

Türkiyə Super Liqası
XXV tur
9 mart
“Gənclərbirliyi” – “Antalyaspor” – 1:1
Sio, 53 – Podolski, 82