"Bavariya"-"Çelsi" matçı azarkeşsiz keçirilə bilər
10-03-2020, 06:33
Çempionlar Liqasının 1/8 finalının Münhen "Bavariya”sı ilə London "Çelsi”si arasında cavab matçı azarkeşsiz keçirilə bilər.
Bu barədə “Report” xarici mətbuata istinadən xəbər verir.
Məlumata görə, buna səbəb koronavirus epidemiyasıdır.
Xatırladaq ki, Çempionlar Liqasının 1/8 finalının "Çelsi” ilə “Bavariya” arasında birinci matçı fevralın 25-də Londonda keçirilib. Qarşılaşma "Bavariya"nın 3:0 hesablı qələbəsi ilə başa çatıb.
Cavab görüşü martın 18-də Münhendə keçiriləcək.
