“Barselona”nın futbolçusu İvan Rakitiç son vaxtlar komandadan ayrılacağı haqda yayılan xəbərlərə münasibət bildirib.

Qol.az xəbər verir ki, xorvatiyalı yarımmüdafiəçi “AS” nəşrinə açıqlamasında hələ bir müddət Kataloniya klubunda qalacağını düşündüyünü deyib:
“Mənə başqa şeylər haqda düşünmək lazım deyil. Son vaxtlar yaxşı məşq edirəm, özümü yaxşı hiss edirəm və əminəm ki, hələ daha bir müddət “Barselona”da qalacağam. Mövsüm bərpa olunduqdan sonra şadlanmaq və əylənmək niyyətindəyəm. Bu isə o deməkdir ki, “Barseloan” ilə daha çox kubok qazana bilərəm”.
Qeyd edək ki, “Barselona”nın Rakitiçi satmaq istədiyi haqda xəbərlər yayılıb. Onun adı daha çox “İnter”lə hallanır.