82 xal toplayaraq Almaniya Bundesliqasının qalibi olan "Bavariya”nın hücumçusu Tomas Müller yeni rekord müəyyənləşdirib.

Fanat.Az xəbər verir ki, 30 yaşlı futbolçu bu mövsüm 21 məhsuldar ötürmə ilə yadda qalıb.

Bu göstərici Bundesliqa tarixində yeni rekorddu. 26 çempionat matçına çıxan və 15 fərqli oyunda qol ötürməsi verən Tomas 8 qol da vurub.

Bundesliqa tarixində əvvəlki məhsuldar ötürmə rekordu Kevin de Breyneyə məxsus idi. O, buna 2014/15 mövsümündə "Volfsburq”un heyətində imza atmışdı. Hazırda "Mançester Siti”nin şərəfini qoruyan Belçika yığmasının üzvü həmin mövsümdə 20 məhsuldar ötürmə etmişdi.