Rusiyanın paytaxtı Moskvada keçirilən “AMC Fight Night 100” döyüş gecəsində azərbaycanlı MMA döyüşçüsü Nəriman Abbasov ikinci dəfə yüngül çəkidə qazandığı kəməri müdafiə edə bilib.

Oxu.Az-ın xəbərinə görə, “Çingizxan” ləqəbli idmançı rusiyalı MMA döyüşçüsü Şamil Əmirovla qarşılaşıb.

Ağıllı taktika ilə döyüşü müdafiədə keçirən Nəriman ikinci raunddan etibarən rəqibin yorğunluğundan yararlanmağa başlayıb.

Üçüncü raundda rusiyalı idmançı oktaqonda döyüşdən qaçmağa çalışıb. Nəticədə baş hakim Əmirovun Nərimanın zərbələri qarşısında müqavimət göstərə bilmədiyini görüb, döyüşü Nərimanın xeyrinə saxlayıb.