Böyük Dəbilqə: Daha bir cüdoçumuz mübarizəyə başlayır
7-05-2021, 10:06
Bu gün Azərbaycanın daha bir cüdoçusu Rusiyanın Kazan şəhərindəki Böyük Dəbilqədə mübarizəyə başlayacaq.
"Report"un məlumatına görə, sonuncu yarış günündə 100 kq-dan yuxarı çəki dərəcəsində Camal Feyziyev tatami üzərinə çıxacaq.
O, 1/16 final mərhələsində Marius Fizellə (Slovakiya) üz-üzə gələcək.
Qeyd edək ki, daha əvvəl Azərbaycan cüdoçularından yalnız Murad Fətiyev (81 kq) medal qazana bilib. Ölkə yarışda 10 idmançı ilə təmsil olunur.
