UEFA-dan yenilik: “Qarabağ”ın oyununda VAR sistemi olacaq
31-07-2022, 00:02
“Qarabağ”ın UEFA Çempionlar Liqasının III təsnifat mərhələsində Macarıstan “Ferenstvaroş”una qarşı keçirəcəyi oyunlarda video-köməkçi hakim (VAR) sistemindən istifadə olunacaq.
Bu barədə UEFA-nın rəsmi saytı məlumat yayıb.Məlumatda qeyd olunur ki, VAR sistemi III təsnifat mərhələsinin matçlarında ilk dəfə tətbiq olunacaq.
Avropa futbol qurumu VAR qurğusunun təşkili ilə bağlı klublar və televiziya yayıma cavabdeh olan uyğun telekanallarla sıx əməkdaşlıq edir.
Qeyd edək ki, “Qarabağ” “Ferenstvaroş”a qarşı ilk matçını avqustun 3-də Bakıda, cavab qarşılaşmasını isə avqustun 9-da Budapeştdə keçirəcək.