Bu gün Çempionlar Liqasında pley-off mərhələsinin püşkü atılacaq.

Oxu.Az xəbər verir ki, ÇL-in üçüncü təsnifat mərhələsinin “Qarabağ” - “Ferentsvaroş” (Macarıstan) cütü “səpələnməmişlər” səbətində yer alıb.

Cütün qalibi pley-off mərhələsində aşağıda adları qeyd olunan komandalardan biri ilə qarşılaşacaq:

“Kopenhagen” (Danimarka)

“Lüdoqorets” (Bolqarıstan) – “Dinamo” (Zaqreb, Xorvatiya) cütünün qalibi

“Şerif” (Moldova) – “Viktoriya” (Çexiya) cütünün qalibi

UEFA-nın mənzil qərargahında təşkil olunacaq tədbir Bakı vaxtı ilə saat 14:00-da başlayacaq.

Qeyd edək ki, pley-off mərhələsinin ilk oyunları avqustun 16-sı və 17-də, cavab matçları isə avqustun 23-ü və 24-də olacaq.

Bu gün, həmçinin, UEFA Avropa Liqasında da pley-off mərhələsinin püşkatma mərasimi keçiriləcək. Tədbir Bakı vaxtı ilə saat 15:00-da start götürəcək. “Qarabağ” Macarıstan çempionuna iki oyunun yekununda məğlub olacağı halda, yoluna Avropa Liqasında davam edəcək.

Püşkatma 4 hissədən ibarət olacaq. 4-cü qrupun 3 komandası 1-ci qrupun 3 təmsilçisi ilə düşəcək. 1-ci qrupun digər 3 klubu 3-cü qrupdan öz rəqiblərini tanıyacaq. 3-cü qrupun yerdə qalan komandaları 2-ci qrupdan 2 kollektivlə cütlük təşkil edəcək. 2-ci qrupun digər 4 komandası isə bir-birinə rəqib olacaq.

Azərbaycan çempionu 2-ci qrupda yer alıb. Bu isə o deməkdir ki, Qurban Qurbanovun baş məşqçi olduğu komanda ya öz qrupundan 3, ya da 3-cü qrupda qalan kollektivlərdən biri ilə qarşılaşacaq. Burada yalnız “Srvena Zvezda” – “Pünik” duelinin məğlubu “Qarabağ”a rəqib ola bilməz.

1-ci qrup

“Gent” (Belçika)
“Austriya” (Avstriya)
“Harts” (Şotlandiya)
“Sivasspor” (Türkiyə)
“Dnepr-1” (Ukrayna)
“Silkeborq” (Danimarka)

2-ci qrup

“Lüdoqorets” (Bolqarıstan) – “Dinamo” (Zaqreb, Xorvatiya) cütünün məğlubu
“Srvena Zvezda” (Serbiya) – “Pünik” (Ermənistan) cütünün məğlubu
“Şerif” (Moldova) – “Viktoriya” (Çexiya) cütünün məğlubu
“Ferentsvaroş” (Macarıstan) – “Qarabağ” (Azərbaycan) cütünün məğlubu
“Makkabi” (Hayfa, İsrail) – “Apollon” (Kipr) cütünün məğlubu
“Budyo Qlimt” (Norveç) – “Jalgiris” (Litva) cütünün məğlubu

3-cü qrup

“Malmö” (İsveç) – “Düdelanj” (Lüksemburq) cütünün qalibi
“Şemrok Rovers” (İrlandiya) – “Şkupi” (Şimali Makedoniya) cütünün qalibi
“Linfild” (Şimali İrlandiya) – “Sürix” (İsveçrə) cütünün qalibi
“Olimpiakos” (Yunanıstan) – “Slovan” (Slovakiya) cütünün qalibi
“Maribor” (Sloveniya) - HİK (Finlandiya) cütünün qalibi

4-cü qrup

“Omoniya” (Kipr)
AEK (Kipr) – “Partizan” (Serbiya) cütünün qalibi
“Fənərbağça” (Türkiyə) – “Slovaçko” (Slovakiya) cütünün qalibi