“Qarabağ” - “Nant” oyununun VAR hakimləri bəlli oldu
13-09-2022, 08:43
Bakıda “Qarabağ” və Fransanın “Nant” komandası arasında keçiriləcək UEFA Avropa Liqasının G qrupunun II tur matçının video-köməkçi hakimləri (VAR) bəlli olub.
“Report”un məlumatına görə, VAR sisteminə İtaliyadan olan ədalət təmsilçiləri nəzarət edəcəklər.
Bunlar 38 yaşlı Luka Payretto və onun 45 yaşlı köməkçisi Cakomo Paqanessidir.
Qeyd edək ki, sentyabrın 15-də Tofiq Bəhramov adına Respublika stadionunda oynanılacaq “Qarabağ” - “Nant” matçı saat 20:45-də başlayacaq.
