Səudiyyə Ərəbistanı çempionatının növbəti turunda “Əl Nəsr” səfərdə “Əl Vəhda” ilə qarşılaşıb.

Qonaq komanda hücumçusu Kriştianu Ronaldunun sayəsində ev sahibi klubu darmadağın edib.

Belə ki, kapitan sarğısı ilə meydana start heyətində çıxan 38 yaşlı portuqaliyalı matçda 4 qol (21, 40, 51 penaltidən, 61–ci dəqiqələrdə) vuraraq komandasına 3 xalı qazandırıb – 4:0. Bu qələbə sayəsində “Əl Nəsr” turnir cədvəlində liderliyə yüksəlib.

Qeyd edək ki, sonuncu dəfə Ronaldu 2019-cu ildə Litva millisinə qarşı oyunda 4 qol vurub.