UEFA Avropa Liqasında pley-off mərhələsində daha 4 oyun keçirilib.

Bununla da ilk matçlara yekun vurulub.

“Monako” Almaniyada “Bayer”i 3:2 hesabı ilə məğlub edib.

“Yuventus” İtaliyada Fransa “Nant”ının müqavimətini qıra bilməyib - 1:1.


“Sevilya” evində Niderland PSV-sini 3 cavabsız qolla üstələyib.


Danimarka “Midtyüllan”ı isə Portuqaliyada “Sportinq”lə sülhə razılaşıb - 1:1.

00:46

UEFA Avropa Liqasının pley-off mərhələsində 4 qarşılaşma yekunlaşıb.

Niderlandda keçirilən qarşılaşmada “Ayaks” evində “Yunion Berlin”lə qolsuz heç-heçə edib.

Turun əsas qarşılaşmasında “Barselona” evində “Mançester Yunayted”lə münasibətlərə aydınlıq gətirib.

Oyunun ilk hissəsində qapılara qol vurulmasa da, ikinci hissə məhsuldar alınıb. 50-ci dəqiqədə M.Alonsonun qoluna qonaqlar üç dəqiqə sonra M.Reşfordla cavab veriblər. 59-cu dəqiqədə J.Kunde topu öz qapısına vurmaqla qonaqları hesabda önə çıxarıb. 76-cı dəqiqədə isə Rafinya hesabı 2:2 edib.


“Zaltsburq” – “Roma” oyununda isə sevinən tərəf meydan sahibləri olub. Qarşılaşmanın 88-ci dəqiqəsində “Zaltsburq”un heyətində N.Kapaldo oyundakı yeganə qolu vurub.


Bosniya və Hersoqovinada keçirilən oyunda “Şaxtyor” Fransa təmsilçisi “Renn”ə qalib gəlib. Oyunda hesab 11-ci dəqiqədə açılıb. Ukrayna təmsilçisinin heyətində D.Kriskiv fərqlənib. Qarşılaşmanın ilk hissəsinə əlavə edilmiş birinci dəqiqədə A.Bondarenko penalti zərbəsini dəqiq yerinə yetirməklə hesabı artırıb.

Qonaqlar 59-cu dəqiqədə K.Ekambi ilə bu qola cavab versələr də, bundan artığına gücləri çatmayıb.