Braziliyanın “Qremio” klubunda çıxış edən Luis Suares PSJ-nin hücumçusu Neymarın “Qızıl top”u qazana bilməməsinin səbəbini açıqlayıb.

Uruqvaylı forvard bunu braziliyalının “Barselona”nı tərk etməsi ilə əlaqələndirib.

“Mən və Messi onu “Barselona”da qalması üçün razı salmışdıq. Bizimlə hər şeyi qazanacaqdı. Amma vəziyyət nəzarətdən çıxmışdı. Bütün məsuliyyəti dərk edərək deyə bilərəm ki, Neymar “Barselona”da qalsaydı, “Qızıl top”u qazanardı. Bu, şəxsi fikrimdir”, - “Placar” Suaresdən sitat gətirib.

Neymar 2017-ci ilin yayında 222 milyon avro qarşılığında “Barselona”dan PSJ-yə keçərək tarixin ən bahalı oyunçusu olub.