Almaniyanın “Ayntraxt” klubu Çempionlar Liqasının 1/8 final mərhələsinin cavab oyununda İtaliyada “Napoli”nin qonağı olacaq.

Oxu.Az xəbər verir ki, matçda komandalarını dəstəkləmək üçün İtaliyaya gedən alman azarkeşlər matçdan öncə Neapolda iğtişaşlar törədiblər. Frankfurt klubunun təxminən 400 nəfərlik ultras qrupu şəhərin küçələrində qarşılarına çıxan hər şeyi dağıdıb, avtomobilləri aşırıb, yandırıb, polislərlə münaqişəyə giriblər. Bununla bağlı görüntülər sosial şəbəkələrdə yayılıb.

“Napoli” – “Ayntraxt” görüşü Bakı vaxtı ilə gecə 00:00-da start götürəcək. Komandalar arasında ilk matçda italyanlar 2:0 üstün olub.