“Qarabağ” - “Qalatasaray”: Start heyətlər bilindi – Hansı kanalda izləmək olar?
26-03-2023, 20:14
Bakı Olimpiya Stadionunda xeyriyyə oyunu çərçivəsində üz-üzə gələcək “Qarabağ” və “Qalatasaray” klublarının start heyətləri açıqlanıb.
Yeniavaz.com xəbər verir ki, “Qarabağ”ın start heyətində Amin Ramazanov, Maksim Medvedev, Rahil Məmmədov, Kevin Medina, Donald Gerye, Julio Romao, Qara Qarayev, Leandro Andrade, Adama Diakabi, Abdullah Zubir və Redon Cica yer alıblar.
“Qalatasaray”ın heyətində Okan Koçuk, Leo Dyubua, Matias Yensen, Emre Taşdemir, Kaan Ayhan, Yunus Akgün, Nikolo Zanyolo, Bafetimbi Qomis, Berkan Kutlu, Serjiu Oliveyra və Yusuf Demir start fitindən meydanda olacaqlar.
Bakı vaxtı ilə saat 20:00-da başlayacaq matçı “HaberGlobal” və “CBC Sport” telekanallarında canlı yayımlanacaq.
