"Əl-Nəsr"in hücumçusu Kriştiano Ronaldo Səudiyyə Ərəbistanı çempionatının 23-cü turunda "Əl Feyhi" ilə matçdan (0:0) sonra rəqib komandanın futbolçusu ilə mübahisə edib.

Qol.az "Daily Mail"ə istinadən xəbər verir ki, əsəbiləşən portuqaliyalı oyunçu “Əl Feyhi”nin hücumçusuna “oynamaq istəmirsən!” deyərək rəqib komandanın matçdakı taktikasına narazılığını ifadə edib. Bundan sonra Ronaldo sürətlə tribunaların altındakı otağa keçib.

“Əl-Nəsr” hazırda 23 oyundan sonra 53 xalla Səudiyyə Ərəbistanı çempionatının cədvəlində “Əl-İttihad”dan 3 xal geri qalaraq 2-ci yerdə qərarlaşıb.

Ronaldo 2022-ci ilin dekabrında "Əl Nəsr”ə keçib. O, indiyə kimi klubu ilə 10 oyuna çıxıb, 11 qol vurub və 2 qolun ötürməsini verib.