UEFA Avropa Liqasında həftənin ən yaxşı futbolçusu adına namizədlər bəlli olub.

"Report"un məlumatına görə, bu ada Belçikanın "Yunion" klubundan Viktor Bonifase, İngiltərə "Mançester Yunayted"indən Marsel Zabitser, Niderland "Feyenord"undan Orkun Kökçü və İtaliyanın "Yuventus" komandasından Federiko Qatti iddia edir.

Konfrans Liqasında isə Fransanın "Nitsa" klubundan Terem Moffi, İsveçrə "Bazel"indən Zeki Amduni, Belçika "Gent"indən Alessio Kastro-Montes və İtaliya "Fiorentina"sından Nikola Milenkoviç namizəddir.

Qeyd edək ki, qalib UEFA-nın rəsmi saytında səsvermə yolu ilə bəlli olacaq.