UEFA Konfrans Liqasında yarımfinal mərhələsinin ilk oyunları keçirilib.

Oxu.Az xəbər verir ki, hər iki qarşılaşma eyni gündə təşkil olunub.

İtaliyanın “Fiorentina” klubu öz meydanında İsveçrə təmsilçisi “Bazel”i qəbul edib. Matç qonaqların qələbəsi ilə başa çatıb. Artur Kabral ev sahiblərini hesabda irəli keçirsə də, Endi Diuf və Zeki Amduninin qolları “Bazel”ə qələbə qazandırıb.


Digər matç İngiltərədə keçirilib. “Vest Hem” doğma azarkeşləri qarşısında Niderland “AZ Alkmaar”i ilə qarşılaşıb və 2:1 hesablı qələbə qazanıb. Qonaqların heyətində Ticcani Reynders hesabı açsa da, Said Benrahma və Maykl Antonionun qolları ingilislərə qələbə qazandırıb.

Komandalar arasında cavab oyunları mayın 18-də gerçəkləşəcək.