İtaliya A Seriyasında 36-cı turun oyunları keçirilir.

Oxu.Az xəbər verir ki, Çempionlar Liqasına vəsiqə uğrunda mübarizə aparan “Milan” öz meydanında elita ilə vidalaşmış “Sampdoriya” ilə qarşılaşıb.

Matç “rossoneri”nin böyükhesablı qələbəsi ilə başa çatıb - 5:1. Olivye Jirunun het-trik etdiyi qarşılaşmada “Milan”ın digər qollarını Rafael Leau və Brahim Diaz vurublar. “Sampdoriya”nın təsəlli qoluna Fabio Kvalyarella imza atıb.
Qələbə sayəsində xallarını 64-ə çatdıran “Milan” 5-ci pillədə qərarlaşıb. Komandanı Çempionlar Liqası zonasından 1 xal ayırır. 4-cü pilləni sahibi “Latsio” bir oyun az keçirib və 65 xalı var.