Fransa Olimpiya Komitəsinin prezidenti istefa verdi

26-05-2023, 09:54           
Fransa Olimpiya Komitəsinin prezidenti istefa verdi
Fransa Olimpiya Komitəsinin (CNOSF) prezidenti Bricit Henrikes tutduğu vəzifədən istefa verdiyini açıqlayıb.

KONKRET.az xarici KİV-ə istinadən xəbər verir ki, bu haqda Komitə açıqlama yayıb.

Açıqlamada bildirilib ki, bu gün keçirilən ümumi yığıncaqdan sonra təşkilatın ilk qadın prezidenti olan Henrikes istefa ərizəsini rəhbərliyə təqdim edib və qəbul edilib.

2024-cü il Paris Yay Olimpiya Oyunlarının başlamasına 14 ay qalmış istefa verdikdən sonra baş katib Astrid Guyart müvəqqəti prezident vəzifəsini icra edəcək.

Yeni prezidentin müəyyən edilməsi üçün səsvermə üç ay ərzində keçiriləcək.

Qeyd edək ki, 2024-cü ildə Yay Olimpiya Oyunları Fransanın paytaxtı Parisdə təşkil olunacaq. Yarış 26 iyul-11 avqustda gerçəkləşəcək.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.