“Mançester Yunayted” Çempionlar Liqasına vəsiqəni təmin etdi: “Liverpul” kənarda qaldı - VİDEO

26-05-2023, 10:43           
“Mançester Yunayted” Çempionlar Liqasına vəsiqəni təmin etdi: “Liverpul” kənarda qaldı - VİDEO
İngiltərə Premyer Liqasında 32-ci turdan təxirə salınmış oyun keçirilib.

Oxu.Az xəbər verir ki, “Mançester Yunayted” öz meydanında “Çelsi”ni qəbul edib.

Matç “qırmızı şeytanlar”ın böyük hesablı qələbəsi ilə başa çatıb - 4:1. Karlos Kazemironun hesabı açdığı qarşılaşmada “Mançester Yunayted”in digər qollarını Antoni Marsyal, penaltidən Brunu Fernandeş və Markus Reşford vurublar. “Çelsi”də isə Joau Feliks fərqlənib.
Qələbə sayəsində xalını 72-yə çatdıran “Mançester Yunayted” “Nyukasl”ı geridə qoyaraq 3-cü pilləyə yüksəlib. Erik ten Haqın komandası bununla da Çempionlar Liqasına vəsiqəni rəsmiləşdirib. Eyni zamanda “Liverpul”un qitənin bir nömrəli klub turnirindən kənar qalacağı dəqiqləşib. Hazırda 66 xalı olan “qırmızılar” 4-cü “Nyukasl”dan 4 xal geri qalırlar və qalan bir matçda bu fərqi aradan qaldırmaq mümkünsüzdür.

Uğursuz mövsüm keçirən “Çelsi”yə gəlincə, komanda 43 xalla 12-cidir.











Loading...

Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.