Futbol üzrə Türkiyə Superliqasında XXVII turun oyunları davam edir.

İikinci oyun günündə dörd matç keçirilib.

“Fənərbağça” doğma meydanda “Kasımpaşa”ya 2:1 hesabı ilə qalib gəlib.

Hesabı qonaqların heyətində 58-ci dəqiqədə Jakson Porozo açıb. Meydan sahibləri 64-cü dəqiqədə Mərt Hakan Yandaşla tablodakı rəqəmləri bərabərləşdirib. Matçın yekun nəticəsini 90+6-cı dəqiqədə Mişi Batşuayi müəyyənləşdirib.

Günün daha əvvəl keçirilən oyunlarında “Kaysərispor” “Ankaragücü”nü 3:2, “İstanbul Başakşəhər” “Qaziantep”i, “Konyaspor” isə “Hatayspor”u 2:0 hesabı ilə məğlub edib.

Qeyd edək ki, bu nəticədən sonra turnir cədvəlinə 70 xalla “Fənərbağça” rəhbərlik edir. Rəqibindən bir oyun az keçirən “Qalatasaray” 2-ci, aktivlərində 43 xalı olan “Trabzonspor” ilə “Beşiktaş” komandaları isə üçüncü və dördüncü pillələri bölüşürlər.