“Millidə belə bacarıqları olan ikinci futbolçu yoxdur” – Sautgeyt vunderkindi təriflədi
29-03-2024, 08:04
İngiltərə millisinin baş məşqçisi Qaret Sautgeyt “Mançester Yunayted”in 18 yaşlı yarımmüdafiəçisi Kobbi Maynunu tərifləyib.
Fanat.az xəbər verir ki, onun dediklərini tanınmış insayder Fabritsio Romano şəxsi “X” hesabı üzərindən belə çatdırıb:
“Onun ifasında cəsarət və texniki bacarıq gördük. Kobbi təzyiq altında olduğu anda yaxşı “açıldı” və çox da ərazidə topla yaxşı davrandı. Millidə belə bacarıqları olan ikinci futbolçu yoxdur. Bu, çox maraqlı məqamdır”.
Qeyd edək ki, Maynu 2022-ci ildən “Mançester Yunayted”in əsas heyətində çıxış edir. Cari mövsüm mankunianların forması ilə bütün turnirlərdə 21 matça çıxan gənc oyunçu 3 qol və 2 məhsuldar ötürmə ilə yadda qalıb.