İsveç ötən mövsümün sonunda xroniki dizindən zədə aldığı üçün karyerasını başa vuran hücumçu Zlatan İbrahimoviçin şərəfinə vida matçı keçirəcək.

Fanat.Az xəbər verir ki, informasiyanı "Football-Italia" yayıb.

Mənbənin məlumatına görə, görüş iyunun 8-də Stokholm ətrafında yerləşən “Friends Arena”da baş tutacaq. İsveçlilərin rəqibi Serbiya millisi olacaq.

42 yaşlı İbrahimoviç İsveç millisində 122 oyun keçirib və 62 qola imza atıb. O, sözügedən millinin tarixində ən çox qol vuran futbolçudur.

İbrahimoviç 12 dəfə İsveçdə ilin ən yaxşı oyunçusu seçilib və 2013-cü ildə ən yaxşı qola görə "Puşkaş mükafatı"nı qazanıb.

Zlatan hazırda "Milan"ın sahibi Cerri Kardinalın məsləhətçisidir.