“Milan” klubu yeni forvardın transferini elan etməyə hazırlaşır.

Fanat.az xəbər verir ki, bu barədə “La Gazetta dello Sport” məlumat yayıb.

Mənbənin məlumatına görə, İtaliya nəhəngi “Bolonya”nın hücumçusu Coşua Zirkzeni keçidini reallaşdırmaq üzərində işləyir. “Rossonerilər” futbolçu üçün təxminən 50 milyon avro təklif etməyə hazırdır. “Bolonya” razılaşsa, bu məbləğin bir hissəsi “qırmızı-qaralar”ın hazırda icarə əsasında “Rossoblu”da çıxış edən oyunçusu Aleksis Salemakersin əks-düşərgəyə göndərilməsinə hesablanacaq.

Niderlandlı futbolçunun “Milan”a keçməyə hazır olduğu bildirilir. “Bolonya” futbolçunu saxlamaq istəyir, lakin ona olan tələbatın çox olması səbəbindən bunun çətin olacağını başa düşür.

22 yaşlı hücumçu bu mövsüm bütün turnirlərdə 31 oyun keçirib, 11 qol vurub və 6 məhsuldar ötürmə edib.