İspaniyanın və "Real Madrid"in sabiq futbolçusu Fernando Yerro Səudiyyə Ərəbistanında işə düzələ bilər.
Bu barədə “Marca” qəzeti məlumat yayıb.

Mənbənin məlumatına görə, ispaniyalı “Əl-Nəsr”in idman direktoru ola bilər. Fernandoya dəvətin təşəbbüskarı komandanın ulduzu Kriştianu Ronaldudur. 39 yaşlı portuqaliyalı Yerronun "Əl-Nəsr"ı növbəti səviyyəyə çıxara biləcəyinə inanır.

Hazırda funksioner "Qvadalaxara"da analoji vəzifədə çalışır.

“Əl-Nəsr” Səudiyyə Ərəbistanı çempionatının 26 turundan sonra 62 xal toplayıb. Komanda lider “Əl-Hilal”dan 12 xal geri qalaraq, turnir cədvəlinin ikinci pilləsində qərarlaşıb. \\Fanat.Az