Azərbaycan millisinin üzvü Mahir Emrelinin də formasını geyindiyi "Dinamo" (Zaqreb) maraqlı bir xəbərlə gündəmə gəlib.

Bizim.Media xəbər verir ki, Zaqreb təmsilçisinin prezidenti Velimir Zayeç "Real"ın ulduzu Luka Modriçi komandasında görmək istədiyi üçün "Marca" qəzetində elan verib.

Daha sonra klubun sosial şəbəkə hesabında qəzetdəki sözügedən elan paylaşılıb.

Qeyd edək ki, Luka Modriç 2002-2008-ci illərdə "Dinamo"da oynayıb. O, daha sonra "Tottenhem"ə transfer olunub. 38 yaşlı futbolçu 2012-ci ildən Madrid təmsilçisinin formasını geyinir. Onun müqaviləsi cari mövsümün sonuna qədərdir.