"Qarabağ”ın U-14 komandasının futbolçusu Arda Əzizli baxımlı qola imza atıb.

Yeniyetmə futbolçu Türkiyənin Antalya şəhərində keçirilən "Junior World Cup” turnirində fərqlənib.

Arda "Özerspor”la qarşılaşmanın son anlarında - əsas vaxta əlavə edilmiş 2-ci dəqiqədə uzaq məsafədən möhtəşəm qol vurub.

Əzizli eyni zamana sözügedən görüşdə "Qarabağ”a qələbə qazandırıb. Nəticədə onun komandası nüfuzlu turniri 5-ci sırada başa vurub.