İtaliyanın Katanya şəhərində təşkil olunmuş çimərlik futbolu üzrə Avropa Liqasının Super Final mərhələsi davam edir.

"Report" AFFA-ya istinadən xəbər verir ki, "B Divizionu"nda mübarizə aparan Azərbaycan milli komandası növbəti oyununu Çexiya yığmasına qarşı keçirib.

Görüş millinin 5:1 hesablı qələbəsi ilə başa çatıb.

Sabah millimiz bu mərhələdə son oyununu Macarıstan yığmasına qarşı keçirəcək. Qalib komanda 1-ci liqada 12 ən güclü komanda arasında mübarizə aparmaq üçün vəsiqə qazanacaq.

Xatırladaq ki, bundan öncə yığmamız Türkiyə millisini 5:3, İngiltərə millisini 2:0 hesabı ilə məğlub edib.