Dünyanın bir nömrəsi Yannik Sinner "X" sosial şəbəkəsində (keçmiş "Twitter") xəstəliyi səbəbindən Parisdə keçiriləcək Olimpiya Oyunlarında iştirak edə bilməyəcəyini açıqlayıb.

Oxu.Az xəbər verir ki, 22 yaşlı italiyalının sözlərinə görə, Oyunlara hazırlığın ilk həftəsi yaxşı keçib, lakin sonra özünü pis hiss edib və nəticədə həkim ona zökəm diaqnozu qoyaraq Parisə getməməyi tövsiyə edib.

Sinner qeyd edib ki, Olimpiada onun mövsüm üçün əsas məqsədlərindən biri olub, ona görə də çox məyusdur.

Xatırladaq ki, Olimpiadada tennis turniri iyulun 27-dən avqustun 4-dək keçiriləcək.