Motosikllə 24 saatda 4012 km qət edərək yeni rekord qırılıb.

İndex.az xəbər verir ki, İvan Servantes “Triumph Tiger 1200 GT Explorer” motosiklet modeli ilə 24 saat ərzində 4012 km qət edərək, Karl Rizin 2017-ci ildə müəyyən etdiyi 3406 km-lik köhnə rekordu geridə qoyub.

İyulun 9-da orta sürəti 167 km/saat sürətlə Ginnesin Rekordlar Kitabına düşən Servantesin 5 qat Enduro Dünya Çempionu və “Triumph” şirkətinin qlobal səfiri olduğu açıqlanıb.

İtaliyanın “Nardò Texniki Mərkəzi”ndə yüksək sürətlə sürmə sahəsində yeni dünya rekordu qırılıb. Rekord zamanı 12 km-lik trasda ümumilikdə 317 dövrə vurulub. Bunun üçün 520 litr yanacaq sərf edilib və maksimal sürəti 200 km/saata çatıb. 24 saat sürərkən 18 pit-stop edən Servantes fiziki cəhətdən çox çətin sınaqdan uğurla çıxıb.