Almaniya kubokunun 1/8 final mərhələsinin "Bavariya" və "Bayer Leverkuzen" komandalarının qarşılaşdığı matç başa çatıb.

Oxu.Az xəbər verir ki, oyun Münhendəki (Almaniya) "Arena Münhen" stadionunda baş tutub. Oyunda "Bayer" 0:1 hesabı ilə qalib gəlib.

İlk hissədə heç bir komanda qol vura bilməyib. 17-ci dəqiqədə "Bavariya"nın qapıçısı Manuel Noyer karyerasında ilk dəfə birbaşa qırmızı vərəqə alıb. "Bayer"in yarımmüdafiəçisi Neytan Tella 69-cu dəqiqədə fərqlənib.

Komandalar bu mövsümdə bir dəfə qarşılaşıblar. Almaniya çempionatının 5-ci turunun matçında 1:1 hesablı heç-heçə qeydə alınıb. "Bavariya"nın heyətində Aleksandr Pavloviç, "Bayer"də isə Robert Andriç qol vurub.

"Bayer Leverkuzen" hazırkı milli kubokun sahibi və Almaniya çempionudur.