Portuqaliya çempionatının 17-ci turu çərçivəsində keçirilən “Nasional” - “Portu” oyunu yarımçıq dayandırılıb.

Bizim.Media xəbər verir ki, buna əlverişsiz hava şəraiti səbəb olub. Qatı duman səbəbindən matç 15-ci dəqiqədə yarımçıq dayandırılıb, daha sonra isə təxirə salınıb. Həmin vaxt görüşdə hesab 0:0 olub.

Hələlik qarşılaşmanın qalan hissəsinin nə vaxt oynanılacağı məlum deyil.

Qeyd edək ki, hazırda “Portu” 40 xalla turnir cədvəlində ikinci yeri tutur. “Nasional” isə 13 xalla 15-cidir.