İspaniya La Liqası: "Barselona" 10 nəfərlə "Sevilya"nı darmadağın etdi

10-02-2025, 08:29           
İspaniya La Liqası: "Barselona" 10 nəfərlə "Sevilya"nı darmadağın etdi
İspaniya La Liqasının 23-cü turunda "Sevilya" "Barselona"nı qəbul edib.

Oxu.Az xəbər verir ki, "Barselona" "Sevilya"nı 1:4 hesabı ilə darmadağın edib.

Yeddinci dəqiqədə "Barselona"nın hücumçusu Robert Levandovski hesabı açıb. "Sevilya"nın cavab qolunu səkkizinci dəqiqədə Ruben Varqas vurub - 1:1. 46-cı dəqiqədə yarımmüdafiəçi Fermin Lopes qonaqları hesabda irəli çıxarıb. 55-ci dəqiqədə Rafinya "Barselona"nın üstünlüyünü artırıb. Fermin Lopes 60-cı dəqiqədə meydandan qovulub. 89-cu dəqiqədə müdafiəçi Erik Qarsiya oyunda son nöqtəni qoyub- 4:1.

Keçirilən 23 oyundan sonra "Barselona" 48 xalla La Liqanın turnir cədvəlində üçüncü yerdədir. "Sevilya" isə eyni sayda oyundan sonra 28 xalla 13-cü yerdədir. Turnir cədvəlinə 23 oyundan sonra 50 xalı olan "Real Madrid" başçılıq edir.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.