Timsahlar Olimpiada yarışlarına mane ola bilər
Bu gün, 10:22
2032-ci il Yay Olimpiya Oyunları Avstraliyada keçiriləcək. Artıq məlumdur ki, qayıq yarışları timsahlarla dolu çayda təşkil olunacaq.
Oxu.Az xəbər verir ki, "ABC"nin məlumatına görə, Avstraliya Qayıqçılıq Federasiyası Fitsroy çayının beynəlxalq qayıq yarışları standartlarına cavab verməyə biləcəyindən narahatdır.
Federasiyanın icraçı direktoru Sara Kuk qeyd edib ki, çayda timsahların olması həm xarici idmançıları, həm də turistləri qorxuda bilər.
Qeyd edək ki, 2032-ci ilin Yay Olimpiadası Avstraliyanın Brisben şəhərində baş tutacaq.
