Futbol üzrə Türkiyə milli komandası Moldova yığması ilə yoldaşlıq oyunu keçirib.
"Report"un məlumatına görə, Əskişəhər stadionunda baş tutmuş qarşılaşma meydan sahiblərinin 3:1 hesablı qələbəsi ilə yekunlaşıb.
"Ay-ulduzlular"ın qollarını Əmrə Mor (14-cü dəqiqə), Əhməd Çalık (24) və Çingiz Ündər (52) vurub. Hər üç gənc futbolçu yığmada ilk qol sevincini yaşayıb. Qonaq komandadan isə yeganə qolun müəllifi Radu Qınsar (90+2) olub.
Baş məşqçi Fatih Terim yığmanın DÇ-2018-in Finlandiyaya qarşı keçirilən seçmə oyununda (2:0) meydana çıxan heyətini tamamilə dəyişib.
Onlardan 5-i ümumiyyətlə meydana çıxmayıb, digər 6-sı isə ehtiyatda olub. Görüşü 35 min tamaşaçı izləyib.
[media=https://www.youtube.com/watch?v=hxdNS3cPjGA#action=share]