“Qəbələ” İdman Klubunun karateçisi Rafael Ağayev növbəti uğurunu qazanıb.
"Report" xəbər verir ki, dəfələrlə Dünya və Avropa çempionu olmuş idmançımız bu dəfə Mərakeşin paytaxtı Rabatda fərqlənib.
O, 34 ölkədən 384 idmançının qatıldığı karate üzrə Rabat Premyer Liqasının qalibi olub. 75 kq çəki dərəcəsində çıxış edən Ağayev bütün rəqiblərini məğlub edib. Bununla da karateçimiz fəxri kürsünün ən yüksək pilləsinə qalxıb.