İtaliyanın “Yuventus” klubu ölkə çempionatının 35-ci turunda son anda “Torino”ya məğlubiyyətdən qaça bilib.
“Report” xəbər verir ki, “Yuventus”un stadionunda keçirilən görüş 1:1 hesabı ilə başa çatıb.
Oyunda qolları Adem Lyaiç (52-ci dəqiqə) və Qonsalo İquain (90+2) vurub.
“Yuventus” 23 sentyabr 2015-ci il tarixindən “A” Seriyasının ev oyunlarında xal itirməyib. Həmin zaman turinlilər “Frozinone” ilə heç-heçə (1:1) oynayıblar. O oyundan sonra “Yuventus” ardarda 33 oyun qələbə qazanıb. “Yuve”nin İtaliya çempionatının ev oyunlarında məğlubiyyətsizlik seriyası isə 36 matçdır davam edir.