Dünən Çempionlar Liqasının pley-off mərhələsinin cavab görüşləri keçirilib. “Qafqazinfo” xəbər verir ki, bu oyunlardan sonra qrup mərhələsində oynayacaq 5 komandanın adına aydınlıq gəlib.


Həmin komandalardan biri də İspaniyanın “Valensiya” klubu olub. Bununla da İspaniya 5 komanda ilə Çempionlar Liqasında təmsil olunacaq. Bu, Avropa futbol tarixində görünməmiş hadisədir. Çünki heç zaman bir ölkənin 5 komandası qitənin ən nüfuzlu klub turnirinin qrup mərhələsində oynamayıb.

ÇL-in 23 illik tarixində ilk belə hadisədir. İspaniyanı isə qrup mərhələsində “Valensiya”dan başqa “Real”, “Barselona”, “Atletiko” və “Sevilya” təmsil edəcək.