Norveç əhalisinin sağlamlığı ölkənin zəngin təbii sərvətləri səbəbindən ciddi təhlükə altına düşə bilər.
Bu barədə "Bloomberg" yazır.

Bildirilir ki, trilyonlarla dollar dəyərində nəhəng neft ehtiyatlarının mövcudluğu Norveçdə şəxsi ambisiyaların və inkişafa can atmanın azalmasına, sağlam həyat tərzinə diqqətin zəifləməsinə gətirib çıxarıb.

Məqalədə qeyd olunur ki, norveçlilər sağlam həyat tərzinə lazımi diqqət yetirməyi dayandırıblar və bunun nəticəsində ölkədə xəstəliklərin sayında artım qeydə alınır. Həmçinin, Norveç sakinləri dövlətin həmişə dəstək olacağını bildikləri üçün get-gedə daha çox lazımsız kreditlər götürürlər. Bundan əlavə, ölkədə bir çoxu lazımsız olan yolların tikintisi aparılır.

Məqalədə vurğulanır ki, Norveçin həddindən artıq zənginliyi yerli hökumət üçün yeni problemlər mənbəyinə çevrilib.