Əfsanəvi pop ulduzu Maykl Ceksonun Fransada konsert zamanı geyindiyi kolleksiya corabı hərracda 6 200 avroya (təqribən 7 200 dollar - red.) satılıb.

Bu barədə "Le Figaro" qəzeti xəbər verir.

Hərrac Fransanın cənubundakı Nim şəhərində keçirilib. Corabın kristallarla bəzədildiyi bildirilir.

Hərraca çıxarılan corab çərçivəyə salınıb və onun yanında ulduzun konsert turu zamanı işləyən texniklərdən birinin icazə vərəqəsi var.

Nitsadakı konsertdən sonra corabı məhz o taparaq, həmin vaxtdan etibarən özündə saxlayıb.