“Azərbaycanda bütün diqqət “Qarabağ”ın üzərində idi. Komanda Çempionlar Liqasının qrup mərhələsində çıxış etdi. Azərbaycan da gözəl ölkədir.”

Qol.az-ın məlumatına görə, bu sözləri “Qarabağ”ın sabiq futbolçusu Tarik Elyunussi “TV 2” telekanalına müsahibəsində deyib.

O, Bakının gözəl şəhər olduğunu vurğulayıb: “Ora əyləncəli idi”.

30 yaşlı oyunçu bildirib ki, “Qarabağ”ın Çempionlar Liqasında çıxış etməsi Azərbaycan üçün böyük hadisə oldu: “Biz bu turnirdə ulduz futbolçuları gördük. Mənə köməklik edən sürücü var idi. Çünki Bakıda tıxac çox olur.

Elyunussi ondan Bakıda qaldığı mənzil haqda verilən sualı isə belə cavablandırıb: “Bakıda qaldığım mənzil yaxşı deyildi. Çox təəssüf ki, tualet qızıldan hazırlanmışdı(gülür). Mənim istifadə etdiyim elə idi.”